Пэрцкі манетны двор выпусціў апошнюю з лімітаванай серыі манет з ружовымі дыяментамі, здабытымі на нядаўна зачыненым аўстралійскім радовішчы Аргайл.
Калекцыя The Jewelled Range створана сумесна з пастаўшчыком, якія спецыялізуюцца на ружовых дыяментах, – Glajz. Свежае папаўней атрымала назву The Jewelled Horse, услед за выпушчанымі раней манетамі: The Jewelled Tiger (тыгр) у 2020 годзе, The Jewelled Dragon (дракон) ад 2019 года і The Jewelled Phoenix (фенікс), ад 2018. Жывёлы выбраны па прынцыпе іх значнасці для кітайскай культуры. Так, конь асацыюецца з жыццёвай сілай, высакароднасцю і сілай.
«Конік» выпушчаны абмежаваным тыражом з 8 экзэмпляраў. Кожная манета важыць па 283,5 г і выраблена з жоўтага золата 999 пробы і 18-каратнага ружовага золата. Для інкрустацыі выкарыстаны фантазійныя ярка-ружовыя і пурпурно-ружовыя брыльянты агульнай вагой 2,76 карата, здабытыя на знакамітым радовішчы чырвоных і ружовых алмазаў Аргайл.
Усе манеты ў калекцыі з'яўляюцца законным плацежным сродкам, аднак Ніл Вэнс, генеральны менеджэр Перцкага манетнага двара, пацвердзіў, што ні адна з манет The Jewelled Range дагэтуль не выкарыстоўвалася ў ролі грошай. Намінал манеты — 2 000 долараў, аднак яе фактычны кошт складае не менш як 179 000 долараў.
У інтэрв'ю анлайн-выданню Jeweller Вэнс распавёў, што найбольшая цікавасць да манет The Jeweled Range зыходзіць ад «калекцыянераў манет і пакупнікоў прадметаў раскошы ў Аўстраліі і Сінгапуры. Частка экзэмпляраў была таксама прададзена ў Еўропу і ЗША. Па словах Ніла, яшчэ няма ніводнага пакупніка, які сабраў поўны набор манет.