Ընդամենը մի քանի օրում հայտնի դարձած աշխարհի միակ կարմիր ադամանդե ոսկե մետաղադրամը վաճառվել է Դուբայում գործող Tiara Gems and Jewellery-ին:
Հանքարդյունաբերության և մետաղների արդյունահանման Rio Tinto ընկերությունը հայտարարել է եզակի ավստրալիական ոսկե մետաղադրամի վաճառքի մասին, որը պատված է Արգայլ հանքավայրում արդյունահանված կարմիր ադամանդով: Kimberley Treasure-ի գնորդը Tiara Gems and Jewellery ընկերությունն էր, որը մասնագիտացած է հազվագյուտ գունավոր թանկարժեք քարերի և հավաքածուների մեջ: Kimberley Treasure-ը վաճառքի հանվելուց 48 ժամվա ընթացքում նոր սեփականատեր է գտել։
Գործարքի գումարի մասին Rio Tinto-ն պաշտոնական հայտարարություն չի արել, սակայն մետաղադրամի հայտարարված արժեքը կազմել է 1 մլն ավստրալիական դոլար (մոտ 760 ԱՄՆ դոլար)։
Հիշեցնենք, որ եզակի մետաղադրամը պատրաստված է մեկ կիլոգրամ մաքուր ոսկուց (99,99%) և պատված է ամենահազվագյուտ կարմիր ադամանդով, որը կշռում է 0,54 կարատ: Մետաղադրամի ստեղծողը Պերթ Մինթն է, ով ավելի քան 5 տարվա համագործակցությամբ Ջոն Գլիզի (Argyle Pink Diamonds-ի պաշտոնական գործընկեր) հետ ստեղծել է բազմաթիվ բացառիկ ոսկու ձուլակտորներ և մետաղադրամներ ադամանդներով: Ըստ Rio Tinto-ի՝ նման կտորները «մեծ պահանջարկ ունեն ներդրողների, կոլեկցիոներների և ակնագործների շրջանում»:
